វិជ្ជាប្រាំយ៉ាង

អត្ថបទចម្រៀង

វិជ្ជាប្រាំយ៉ាង

(ប) – ពុទ្ធោ អរហំតាំងហែកមេឃ រន្ទះបាញ់បែកក្បាលមេក្របី ដៃខ្ញុំប្រណមជង្គង់ខ្ញុំលុត សម្បោរចេញភ្លូចប៉ុនភ្លុកដំរី នៅឯណានាងមេត្រី សូមអញ្ជើញស្រីមកច្រៀងកុំអៀន ឱ ពៅពន្លកពកពន្លិច ពកបានបន្តិចអញទះបន្លៀន ធម្មតានំបញ្ចុកត្រូវមានល្បោយលើកដៃបង់បោយត្រូវចេះល្បៀន។

(ស) – មកដល់ហើយអ្នកស្មៀន ខ្ញុំមិនមែនអៀនដូចអ្នកថាអី ក្ងិងក្ងង់ ក្បែរដើមក្ងោក ឱ្យតែហ៊ានក្រោកច្បាស់ជាហ៊ានស្ដី ត្រីប្រលូងនៅមាត់ប្រឡាយ លោតលាន់ខ្ចាត់ខ្ចាយ ក្បែរគល់ពន្លៃ ឮថាប្រុសបងជាអ្នកល្បី ចាំស្ដាប់សំដីអូនសួរឆ្លើយ វិជ្ជាអ្វីខ្លះដែរមិនបាច់រៀន ហើយចេះពេញប្រាណណាត្រាណត្រើយ គេចេះយើងចេះទាំងអស់គ្នា ចេះគ្មានគ្រូបារ្យសូមអ្នកឆ្លើយ តើមានប៉ុន្មានណាត្រាណត្រើយ ប្រុសកុំកន្តើយឆ្លើយប្រាប់មកស្រី។

ប្រុស – ព្រលឹងសួរនេះពេញហៅប្លែកចំជាជើងឯកខាងសំដី មនុស្សកើតឡើងក្នុងលោកាតាំងពីកុមារដល់ដឹងក្ដី បើមិនបាច់រៀនមិនចេះអី ទ្រឹស្តីថាចេះមកពីរៀន

(ស) – ឆ្ងាយណាស់ៗខុសឆ្ងាយណាស់ គ្មានអែបគ្មានប៉ះទេអ្នកស្មៀន ប្រលូកប្រលង់ក្រោមដើមក្រឡាញ់ ក្រឡកាន់ខ្លាញ់នៅគៀនក្រលៀន ឆ្លើយមកមិនត្រូវគួរឱ្យអៀន សុំទោសអ្នកស្មៀនថយចេញទៅ

(ស) – រាងមើលតែជីងចក់រលូតស្ទើរអត់រកឡើងមកធ្វើអ្វី មុខស្លាំស្លេកស្លក់ដូចត្រីឈ្លាស ដូចកន្លាតក្នុងទឹកត្រី

ប្រុស – អាហ្នឹងមកពីពាងនាងមិនគ្របអីកន្លាតចង្រៃវាឈ្លុកលេងទៅ

(ស) – កុំទាន់ស៊កសៀតដូចស្នៀតពោត ប្រយ័ត្នខ្ញុំដោតដូចអំពៅ

(ប) – មើលនាងមានដំណោត ប៉ុនណាទៅ មេត្តាពាលពៅចែកមួយផង

(ស) – ប្រុសនេះមាឌតូចសម្តីធំ ច្រមុះដូចគ្រំមាត់ដូចខ្យង

(ប) – បើនាងទំនេរយកចានត្រង ចាំមើលគ្រំបងទំនេរពងមិនចេះធុញ

(ស) – ឈប់សិនៗនែ៎ ប្រុសសង្វិត កុំដូចសាច់ស្វិតហាន់លើជ្រុញ ខ្ញុំចង់ដឹងពីវិជ្ជាចំណេះ ចេះមិនបាច់រៀនហើយមិនចេះធុញ

(ប) – អញ្ចឹងចាំស្ដាប់ណាអ្នកទ្រលន់ខ្ញុំប្រាប់មិនធុញឱ្យអ្នកស្ដាប់

វិជ្ជាដែរចេះមិនបាច់រៀន ខ្ញុំឆ្លើយមិនអៀនតាមលំដាប់ គឺមានប្រាំយ៉ាងចូលនាងស្ដាប់ ខ្ញុំនឹងរៀបរាប់ឱ្យពិស្ដារ

ទីមួយកើតឡើងគឺចេះយំ ទីពីចេះសើចណាជីវ៉ាទី ទីបីចេះស៊ីចេះភោគក្ដា ទីបួនឆ្លេឆ្លា រកបង្គន់

(ស)​ – មួយពីបីបួនជួនរណ្ដំឆ្លើយចុះឆ្លើយឡើងល្អពេកពន់ នៅខ្វះមួយទៀតណាតូចតន់ ឆ្លើយត្រង់រួសរាន់ កុំដោះសារ

(ប) – ទីប្រាំគឺវិជ្ជាដួងចិត្តអ្នកស្រុកឆ្ងាយជិតថាស្នេហាវិជ្ជានេះគ្មានរៀនពីនរណា ប្រុស ស្រីគ្រប់គ្នាចេះទាំងអស់ ចេះថើបចេះបឺតចេះជញ្ជក់ ចេះលិត ចេះភ្លក់ចេះក្និកក្នក់ បបោស អង្អែលសព្វគៀនកោះ តាំងពីចុងសក់ដល់បាទជើង វិជ្ជានឹងខ្លាំងជាងគេឯង ចួនត្រជាក់ស្រេងចួនដូចភ្លើងចួនប្រកាច់តូងដួលបាសជើង ទាំងគេទាំងយើងដឹងសោយសព្វ ខ្ញុំឆ្លើយគ្រប់ហើយណាស្រស់ស្រី ខុសត្រូវម្តេចក្ដីសូមថាចុះ

(ស) – ប្រុសឆ្លើយសមរម្យ ត្រូវទាំងអស់ ស្រីស្រស់សុំចុះចាញ់បងហើយ

(ប) – កណ្ដូបកណ្ដៀរ ទៅវត្តកណ្ដាល កណ្ដូបជិះផាលទៅវត្តកណ្ដឹង អន្ទិតឯងមកពីស្រុកណាបានជាវោហារឱ្យអញខឹង កូនក្រមុំអញស្អាតម្លឹងៗម្ដេចខំប្រឹងពោលមិនគប្បី

(ប) – ទេពូឯងកុំពោលពាក្យផ្ដេសផ្ដាស់ ប្រយ័ត្នខ្ញុំទះធ្លាក់ដល់ដី

(ប) – អាក្មេងប៉ុនមេដៃតិចអញគ្រញិចដូចចៃ មិនអោយសល់

(ប) – ចៃខ្ញុំ ជាចៃ ជើងប្រាំបីញិចតែម្រាមដៃគ្រាន់តែស្រងល់ វាចេះរុលត្បល់ចូលក្រលៀត ប្រយ័ត្នភ្លាត់ស្នៀតចូលដល់គល់កើតកូនកើតចៅ ច្រើនគ្មានសល់ ស៊ីសាច់ដល់គល់ សែងទម្លាក់ទឹក

(ប) – អ៊ុំស្រីខំឡើងមកធ្វើអ្វី រូបរាងមេត្រីចាញ់ខ្ញុំទាំងរស់ បើតាមពាក្យលោកពូស្ដី ខ្ញុំត្រូវធ្វើប្តីកូនលោកអ៊ុំស្មោះ

(ស) – ថយចេញៗអ្នកកំលោះប្រយ័ត្នអញពុះមួយកែងដៃ ឯងនេះចំជារំខានមែនធ្វើឱ្យបុណ្យទានអាប់រាសី

(ប)​ –  ទេក្រែងច្រៀងឈ្នះបានទៅធ្វើប្តី ឥឡូវម្ដេចស្ដីផ្តេសផ្តាស់ទៅវិញ

(ស) – អាយ៉ៃរវល់តែឈ្លោះគ្នា ខ្ញុំអ្នកដើមការមិនឱ្យលុយ អ្នកដែលចូលមកចាប់កុសល គេនាំគ្នាដើរទៅវិញរពុយ

(ប) – មិចក៏ថាមិនឱ្យលុយ ខូចខាតហ៊ុងសុយខ្ញុំអស់សន្ធឹក

(ស) – រឿងហ្នឹងមកពីអន្ទិតឯង ចូលមកថ្លាថ្លែងឱ្យវរវឹក

(ប) – លលាន់ឮក្រិកៗ ខំនៅវរវឹកដល់ណាទៀត

(ស) – ឡើងដើមព្រួលដូចអួលក្ដាម ស្អប់ប្រុសមុខត្មាតឫកចោលម្សៀត

(ប) – បើដឹងថាចាញ់នៅឱ្យស្ងៀមទៅ ពោលង៉ូវៗដល់ណាទៀត

(ស) – អ្នកសុទ្ធតែគ្មានមាយាទ ច្រៀងគ្មានជីវជាតិឈ្លោះតែគ្នា

ច្រៀដោយ អ៊ឹង ណារី   តាត សំណាង​  ស៊ឹម ទូច   ស្មៀន ងា  និង អ៊ុក សុផា

ប្រគំជាចង្វាក់