SAYONARA SAYONNARA សាយ៉ូណារ៉ា សាយូណារ៉ាដួងចិត្តអូន
កំណត់សម្គាល់៖
- SAYONARA (Correct in Latin alphabet ( romanization) and in English ) SAYONNARA (Incorrect spelling ) ចំណងជើងនៅលើក្របថាស ឯចំណែក សាយូណារ៉ា ចំណងជើង នៅលើសឿវភៅ ដែលជាចំណងជើងនៃបទចម្រៀងដើម មុនថ្ងៃ១៧ មេសា ១៩៧៥ ច្រៀងដំបូងដោយ រស់ សេរីសុទ្ធា ដោយសារយើងមានតែសំឡេង ច្រៀងដំបូងដោយ រស់ សេរីសុទ្ធា តែអត់មានសំឡេង ស៊ីន ស៊ីសាមុត
- យើងសង្កេតឃើញ មាន ចំណងជើង សាយូណារ៉ាដួងចិត្តអូន ផ្សាយនៅ YouTube ដែលច្រៀងដោយ រស់ សេរីសុទ្ធា ដូចគ្នានិងចំណងជើង សាយូណារ៉ា ប្រហែល យកមកពី ក្របថាស ខាងមុខ ដេលយើងខ្ញុំយល់ថា មិនត្រឹមត្រូវ
- ចេញផ្សាយនៅលើសៀវភៅចម្រៀង ចម្រៀងសណព្វចិត្តចម្រុះ
- យើងមានអត្ថបទ និងអក្សរភ្លេង ដកស្រង់ចេញពីសៀវភៅ ចម្រៀងសណព្វចិត្តចម្រុះ ទំព័រទី ៥១ និង៥២
- ចេញផ្សាយនៅលើសៀវភៅចម្រៀង សៀវភៅចម្រៀង មុន ១៧ មេសា ១៩៧៥
- យើងមានអត្ថបទ ដកស្រង់ចេញពីសៀវភៅ សៀវភៅចម្រៀង មុន ១៧ មេសា ១៩៧៥ ទំព័រទី ៥១
- ទំនុកច្រៀងដោយ ស៊ីន ស៊ីសាមុត
- ក្រុមហ៊ុនថាស (ប៉ាតេ-បាយ័ន)
- ចេញផ្សាយជាថាស (Vinyl) ដោយផលិតកម្ម បាយ័ន (PT 112) - (A) SAYONNARA - (B) គ្រាដំបូង - ក្របក្រោយ
- បទភ្លេង បរទេស
- ប្រគំជាចង្វាក់ Jerk ក្រុមការងារយើង យល់ថា ប្រគំជាចង្វាក់ Rock Medium
- មាន Music score
អត្ថបទចម្រៀង
សាយូណារ៉ា
១ – សាយូណារ៉ា ឱ!សាយូណារ៉ា អូនយល់សប្ដិឃើញល្អសាយូណារ៉ា អូនចង់និយាយឱ្យប្រុសបងស្ដាប់ អូនចង់រៀបរាប់តែសាយូណារ៉ា ។
២ – សាយូណារ៉ា ឱ!សាយូណារ៉ា អូនយល់សប្ដិឃើញល្អសាយូណារ៉ា អូនចង់និយាយប្រាប់ថាអូនស្នេហ៍ តែមិនបានសោះព្រោះតែសាយូណារ៉ា សាយូណារ៉ា ។
( ភ្លេង )
បន្ទរ – ចិត្តអូនចង់ជួប ចង់ជួបបងណាស់ ចង់ជួបនឹងប្រុសរូបស្រស់សង្ហា សាច់ម៉ដ្ឋផូរផង់ដូចវង់ចន្ទថ្លា ជាប់ក្នុងឱរា រាល់ពេលនិទ្រា ស្រមៃដូចជាអូននៅក្បែរបង បានឆ្លើយឆ្លងសាសងសម្ដី ។
៣ – សាយូណារ៉ា ឱ!សាយូណារ៉ា អូនភ្លេចមិនបានតែសាយូណារ៉ា នឹកឃើញទាំងអស់អនុស្សាវរីយ
ដែលយើងទាំងពីរធ្លាប់មាននឹងគ្នា សាយូណារ៉ា ។
(ភ្លេង)
ច្រៀងសាឡើងវិញ បន្ទរ និង ៣
បញ្ចប់ សាយូណារ៉ា… សាយូណារ៉ា… សាយូណារ៉ា… សាយូណារ៉ា….
ច្រៀងដោយ រស់ សេរីសុទ្ធា
ប្រគំជាចង្វាក់ Rock medium
សូមស្ដាប់សំនៀងដើម
SAYONARA សាយូណារ៉ា
ច្រៀងដំបូងដោយ រស់ សេរីសុទ្ធា
បទបរទេសដែលស្រដៀងគ្នា
អ្នកចម្រៀងជំនាន់ថ្មីដែលច្រៀងបទនេះ
ទៀងមុំ សុធាវី
ក្រុមការងារ
- ប្រមូលផ្ដុំដោយ ខ្ចៅ ឃុនសំរ៉ង
- គាំទ្រ និងផ្ដល់យោបល់ដោយ សំអាត អ៊ុច និង យង់ វិបុល
- ពិនិត្យអក្ខរាវិរុទ្ធដោយ ខ្ចៅ ឃុនសំរ៉ង ប៉ោក លីនដា ស៊ុន សុលីកា គឿម ពិសី និង វឿត ស្រីដា
យើងខ្ញុំមានបំណងរក្សាសម្បត្តិខ្មែរទុកនៅលើគេហទំព័រ www.elibraryofcambodia.org នេះ ព្រមទាំងផ្សព្វផ្សាយសម្រាប់បម្រើជាប្រយោជន៍សាធារណៈ ដោយឥតគិតរក និងយកកម្រៃ នៅមុនថ្ងៃទី១៧ ខែមេសា ឆ្នាំ១៩៧៥ ចម្រៀងខ្មែរបានថតផ្សាយលក់លើថាសចម្រៀង 45 RPM 33 ½ RPM 78 RPM ដោយផលិតកម្ម ថាស កណ្ដឹងមាស ឃ្លាំងមឿង ចតុមុខ ហេងហេង សញ្ញាច័ន្ទឆាយា នាគមាស បាយ័ន ផ្សារថ្មី ពស់មាស ពែងមាស ភួងម្លិះ ភ្នំពេជ្រ គ្លិស្សេ ភ្នំពេញ ភ្នំមាស មណ្ឌលតន្រ្តី មនោរម្យ មេអំបៅ រូបតោ កាពីតូល សញ្ញា វត្តភ្នំ វិមានឯករាជ្យ សម័យអាប៉ូឡូ សាឃូរ៉ា ខ្លាធំ សិម្ពលី សេកមាស ហង្សមាស ហនុមាន ហ្គាណេហ្វូ អង្គរ Lac Sea សញ្ញា អប្សារា អូឡាំពិក កីឡា ថាសមាស ម្កុដពេជ្រ មនោរម្យ បូកគោ ឥន្ទ្រី Eagle ទេពអប្សរ ចតុមុខ ឃ្លោកទិព្វ ខេមរា មេខ្លា សាកលតន្ត្រី មេអំបៅ Diamond Columbo ហ្វីលិព Philips EUROPASIE EP ដំណើរខ្មែរ ទេពធីតា មហាធូរ៉ា ជាដើម។
ព្រមជាមួយគ្នាមានកាសែ្សតចម្រៀង (Cassette) ដូចជា កាស្សែត ពពកស White Cloud កាស្សែត ពស់មាស កាស្សែត ច័ន្ទឆាយា កាស្សែត ថាសមាស កាស្សែត ពេងមាស កាស្សែត ភ្នំពេជ្រ កាស្សែត មេខ្លា កាស្សែត វត្តភ្នំ កាស្សែត វិមានឯករាជ្យ កាស្សែត ស៊ីន ស៊ីសាមុត កាស្សែត អប្សារា កាស្សែត សាឃូរ៉ា និង reel to reel tape ក្នុងជំនាន់នោះ អ្នកចម្រៀង ប្រុសមានលោក ស៊ិន ស៊ីសាមុត លោក ថេត សម្បត្តិ លោក សុះ ម៉ាត់ លោក យស អូឡារាំង លោក យ៉ង់ ឈាង លោក ពេជ្រ សាមឿន លោក គាង យុទ្ធហាន លោក ជា សាវឿន លោក ថាច់ សូលី លោក ឌុច គឹមហាក់ លោក យិន ឌីកាន លោក វ៉ា សូវី លោក ឡឹក សាវ៉ាត លោក ហួរ ឡាវី លោក វ័រ សារុន លោក កុល សែម លោក មាស សាម៉ន លោក អាប់ឌុល សារី លោក តូច តេង លោក ជុំ កែម លោក អ៊ឹង ណារី លោក អ៊ិន យ៉េង លោក ម៉ុល កាម៉ាច លោក អ៊ឹម សុងសឺម លោក មាស ហុកសេង លោក លីវ តឹក និងលោក យិន សារិន ជាដើម។
ចំណែកអ្នកចម្រៀងស្រីមាន អ្នកស្រី ហៃ សុខុម អ្នកស្រី រស់សេរីសុទ្ធា អ្នកស្រី ពៅ ណារី ឬ ពៅ វណ្ណារី អ្នកស្រី ហែម សុវណ្ណ អ្នកស្រី កែវ មន្ថា អ្នកស្រី កែវ សេដ្ឋា អ្នកស្រី ឌីសាខន អ្នកស្រី កុយ សារឹម អ្នកស្រី ប៉ែនរ៉ន អ្នកស្រី ហួយ មាស អ្នកស្រី ម៉ៅ សារ៉េត អ្នកស្រី សូ សាវឿន អ្នកស្រី តារា ចោមច័ន្ទ អ្នកស្រី ឈុន វណ្ណា អ្នកស្រី សៀង ឌី អ្នកស្រី ឈូន ម៉ាឡៃ អ្នកស្រី យីវ បូផាន អ្នកស្រី សុត សុខា អ្នកស្រី ពៅ សុជាតា អ្នកស្រី នូវ ណារិន អ្នកស្រី សេង បុទុម និងអ្នកស្រី ប៉ូឡែត ហៅ Sav Dei ជាដើម។
បន្ទាប់ពីថ្ងៃទី១៧ ខែមេសា ឆ្នាំ១៩៧៥ ផលិតកម្មរស្មីពានមាស សាយណ្ណារា បានធ្វើស៊ីឌី របស់អ្នកចម្រៀងជំនាន់មុនថ្ងៃទី១៧ ខែមេសា ឆ្នាំ១៩៧៥។ ជាមួយគ្នាផងដែរ ផលិតកម្ម រស្មីហង្សមាស ចាបមាស រៃមាស ឆ្លងដែន ជាដើមបានផលិតជា ស៊ីឌី វីស៊ីឌី ឌីវីឌី មានអត្ថបទចម្រៀងដើម ព្រមទាំងអត្ថបទចម្រៀងខុសពីមុនខ្លះៗ ហើយច្រៀងដោយអ្នកជំនាន់មុន និងអ្នកចម្រៀងជំនាន់ថ្មីដូចជា លោក ណូយ វ៉ាន់ណេត លោក ឯក ស៊ីដេ លោក ឡោ សារិត លោក សួស សងវាចា លោក មករា រ័ត្ន លោក ឈួយ សុភាព លោក គង់ ឌីណា លោក សូ សុភ័ក្រ លោក ពេជ្រ សុខា លោក សុត សាវុឌ លោក ព្រាប សុវត្ថិ លោក កែវ សារ៉ាត់ លោក ឆន សុវណ្ណរាជ លោក ឆាយ វិរៈយុទ្ធ អ្នកស្រី ជិន សេរីយ៉ា អ្នកស្រី ម៉េង កែវពេជ្រចិន្តា អ្នកស្រី ទូច ស្រីនិច អ្នកស្រី ហ៊ឹម ស៊ីវន កញ្ញា ទៀងមុំ សុធាវី អ្នកស្រី អឿន ស្រីមុំ អ្នកស្រី ឈួន សុវណ្ណឆ័យ អ្នកស្រី ឱក សុគន្ធកញ្ញា អ្នកស្រី សុគន្ធ នីសា អ្នកស្រី សាត សេរីយ៉ង និងអ្នកស្រី អ៊ុន សុផល ជាដើម។